nga Fondacioni “Pema e Jetës”
Në një botë ku shpesh herë harrojmë të vlerësojmë ata që i dedikojnë çdo ditë të jetës për të ndihmuar të tjerët, emri i Profesoresha Jera Kruja qëndron si një simbol frymëzimi, dhembshurie dhe profesionalizmi. Për dekada të tëra, ajo ka qenë dhe është në vijën e parë të betejës kundër Sklerozës Multiple, duke i kthyer pacientëve shpresën kur gjithçka dukej e humbur.
Në sytë e saj, pacientët gjejnë forcën
Ata që kanë pasur fatin të jenë pacientë të saj tregojnë se nuk është thjesht një mjeke, por një nënë shpirtërore për ta. Profesoresha Kruja nuk ofron vetëm trajtime, por edhe mbështetje emocionale, forcë dhe motivim për të mos u dorëzuar përballë kësaj sëmundjeje sfiduese.
Pionere në fushën e neurologjisë shqiptare
Me një karrierë që përfshin jo vetëm ndihmë direkte për pacientët, por edhe edukimin e qindra studentëve të mjekësisë, ajo ka krijuar një trashëgimi të pasur në shkencën dhe praktikën mjekësore. Ndër mbështetjet më të rëndësishme është bashkëpunimi me Fondacionin Pema e Jetës, ku ajo mbështet iniciativat për ndryshime në trajtim, rehabilitim, edukim dhe informim. Ajo vazhdon të përhapë ndërgjegjësim dhe të sjellë zgjidhje inovative për ata që preken nga kjo sëmundje.
Sklerozë Multiple – Një betejë e vështirë, por jo e pamundur
Profesoresha Kruja beson se secili pacient ka të drejtën të shohë përtej diagnozës së tij. Ajo ka sjellë përvoja ndërkombëtare dhe trajtime moderne në Shqipëri, duke bërë të mundur që shumë pacientë të jetojnë një jetë më cilësore.
Një fjalë për mirënjohjen
Në këto kohë, ku shpesh herë figura të tilla mbeten të padukshme në sytë e publikut, ne ndiejmë detyrimin të themi një faleminderit të madh për një grua që është simbol i jetës dhe shpresës.
Faleminderit, Profesoresha Jera Kruja, për gjithçka që na mësoni: për të luftuar, për të mos u dorëzuar dhe për të besuar gjithmonë tek fuqia e njeriut për të shëruar e për të ndihmuar të tjerët!