Sot, më 27 janar, Fondacioni “Pema e Jetës” organizoi një tubim të rëndësishëm me temën “Të jetosh në Shqipëri me Sklerozën Multiple”, ku u mblodhën individë me Sklerozë Multiple, familjarë të tyre, mjekë, psikolog, Neurolog pediatër, si dhe anëtarë të shoqërisë civile dhe profesionistë të fushave të ndryshme.

⬇️Ky takim u prezantua nga Bashkëthemeluesja e fondacionit Sociologe Marsida Simo.

➡️Fjala e hapjes u mbajt nga Presidenti i fondacionit, Tanush Caushi, i cili ndau një analizë të situatës aktuale dhe kauzat që fondacioni ka ngritur. U theksua mungesa e medikamenteve të reja dhe programet rehabilituese fizike dhe psikologjike, si dhe fakti që asnjë medikament i ri nuk është futur në listën e barnave të rimbursueshme që nga viti 2014.

➡️Më pas Marsida Simo preku anën sociale të sëmundjes dhe sfidat që kanë këta persona.

➡️Në tubim, psikologja Klorinda Serani dha detaje për fazat psikologjike që kalon një person nga momenti i diagnozës e më tej, duke theksuar rëndësinë e seancave me psikologun.
➡️Gjithashtu, Darian Komomi nga Komisioneri për mbrojtjen nga Diskriminimi bëri thirrje për denoncimin e çdo abuzimi, diskriminimi apo problemi që mund të hasin personat me aftësi të kufizuar.

Në pjesën e fjalimeve, shkrimtarja Endiza Dizdari Dema dhe Fitim Bala ndanë sfidat dhe kërkesat e komunitetit të pacientëve me Sklerozë Multiple. David Rosenbaum përfaqësues i një studimi trial për pacientët me sklerozë multiple shprehu alternativat dhe përfitimet që kanë pacientët.

Në përmbyllje, Efti Demaj dhe doktoresha Vjollca Koko ndanë përvojat e tyre personale, duke treguar për sfidat dhe triumfet mbi Sklerozën Multiple. Ky tubim ishte një burim frymëzimi dhe informacioni për të gjithë ata që jetojnë me këtë sëmundje dhe për bashkëpunimin në ndërtimin e një shoqërie më të mirë dhe më të ndërgjegjshme për të gjithë.