Qëllimi i Përgjithshëm

Përmirësimi i kujdesit dhe mbështetjes për pacientët me sklerozë multiple dhe sëmundje të tjera kronike nëpërmjet lobimit për qasje në trajtime inovative, ofrimi i terapisë falas fizioterapeutike, ngritja e një qendre të re rehabilitimi dhe mbrojtja e të drejtave të pacientëve.

Objektivat Specifikë dhe Veprimet

1. Lobimi për Sigurimin e Medikamenteve të Reja nga Shteti dhe të Drejtat e Pacientëve (deri në 2027)

• Strategjia e Lobimit për Medikamente dhe të Drejta: Përforcimi i strategjive të lobimit për të përfshirë edhe mbrojtjen e të drejtave të pacientëve me sëmundje kronike. Hartimi i propozimeve për politika të reja, organizimi i fushatave të ndërgjegjësimit dhe zhvillimi i partneriteteve me organizata të tjera.
• Veprimet Legjislative dhe Politike: Monitorimi aktiv i legjislacionit dhe politikave në zhvillim për të ndikuar në mundësitë për mbështetjen e pacientëve.
• Fuqizimi i Pacientëve: Organizimi i programeve për të edukuar pacientët mbi të drejtat e tyre dhe mënyrat për të kërkuar trajtime dhe shërbime më të mira.

2. Sigurimi i Fizioterapisë Falas në Qendrat Shëndetësore (deri në 2025)

• Zgjerimi i Qendrave dhe Trajnime: Zgjerimi i qendrave dhe trajnimi i stafit për të përfshirë teknikat më efektive dhe bashkëkohore të fizioterapisë.

3. Ngritja e Qendrës së Parë të Rehabilitimit (deri në 2026)

• Planifikimi, Ndërtimi dhe Operimi: Përcaktimi i vendndodhjes së qendrës dhe menaxhimi i projektit të ndërtimit.
• Rekrutimi i Stafit: Zgjedhja e një ekipi të specializuar të profesionistëve të shëndetësisë dhe trajnimi i tyre për të ofruar kujdes të integruar dhe të personalizuar.
• Programet e Kujdesit: Zhvillimi i programeve të kujdesit që synojnë të adresojnë nevojat fizike, emocionale dhe sociale të pacientëve.